دراما خفيفة للضحك بس
طبعا الشئ المتعارف عليه ان الواحد لما يعجب بيهو بى بنت
اكيد بمشى يتقدم ليها عشان يخطبها ودا الطبيعى زى ماعارفين
كدى خلونا نتخيل الحكاية اتقلبت... بنت اعجبت بى واحد وعايزة تخطبوا.. ممكن؟؟
مافى شى بعيد على الله
شوفوا ال حا يحصل اخر الزمن
.
.
.
.
.
يعنى مثلا تتفاجئ فى يوم كده وانت قاعد تقرا كتاب رومانسى
وبتحلم فى احلام وردية ومشغل ليك شريط هااادى كدة
وسرحاان فى فارسة احلامك طبعا ...........
تلاقى امك داخلة عليك تقول ليك:
يا ولدى عايزة اكلمك فى موضوع..
ترد انت بكل خوف:خير يا خير ياحاجة؟؟؟
امك تقول ليك:
جارتنا البى تلاتة شوارع عاوزة تخطبك لبنتها
وانت ماشاء الله عليك كبرت واحلويت...رايك شنو؟
اكيد حا تنكسف كدة
وتنزل راسك فى الارض وتلعب باصبعك
فى شعرك او(شنبك)
وترد وانت مكسووف وخدودك محمرة وتقول:
الراى رايك والشورة شورتك يا حاجة..
تقول الام :
انا بصراحة شايفة البنت كويسة
ما شاء الله عليها من البيت للشغل ومن الشغل للبيت..
وبعدين ما شاء الله عليها... موظفة كبيرة
ترد انت:
بس يا امى هى شافتنى وين..
الام:
لا شافتك وانت راجع من الجامع
وسالت عنك وقالوا ليها انك ولد فى كويس ومؤدب وما بتحب الكوتشينة ولا قعاد الضللة..
الام:
انا خلاص اتفقت معاهم انهم ييجوا الخميس الجاى عشان يشوفوك..
تسال انت:طيب ياحاجة ابوى رايو شنو؟؟
ترد الام :ابوك كدى خليهو ماناقش اى حاجة عن الموضوع دا..
خليه لافى كدة فى المطبخ مع نفسه الله يكون فى عونو..
تقول انت( بكسوف طبعا): خلاص ياحاجة البتشوفيهو اعمليهو
وتطلع الام من غرفتك
وتنط انت قدام المراية وتاخد ليك نص لفة يمين ونص لفة شمال ..وتشوف جسمك وتسرح شعرك (بدلع)
وتقوول:يااااااه اخيرا حست بى وخطبتنى........
يووم الخميس...تمشى انت لكوافير رجالى
( اقصد حلاق ) وتصبغ شعرك كده وتحلق حلاقة عجيبة
وتيجى البيت وتلبس الجلابية البيضاء المكوية .. وتخت الشال المزركش على الكتف
وتتريح بى احلى عطر عندك.... عطر جميل كدة وتطلع الصالون عشان تقابل الخطيبة واهلها.......
يقول لك ابوك: يللا دخل العصير لى خطيبتك..
تقول انت: ياحاج انا خجلان طلعو انت عليك الله..
ابوك يقول ليك وهو يضحك: يا ولد بطل دلع وامشى لى خطيبتك
تقول انت: يا حاج انت دايما تحرجنى كدة ليه..
وتاخد العصير وتدخل عليهم بكل رقة وادب وتقوول:
احم..احم..السلام عليكم.
ترد الخطيبة بعد ما وقفت: وعليكم السلام.
تقول هى: العصير الاحلى ياتو (الاحمر واللا الاصفر)..(كسير تلج وكده)
تقول انت: كلو حلو....
تقول هى: اكيد كلو حلو لانك انت العملتو..
وبعدين تخت الصينية بسرعة وايدك على خشمك وتضحك وجرى على الاوضة.
ويكون اخوانك واولاد خالاتك مستنيينك جوه على احر من الجمر
(والشمار حارقهم طبعا)
ويقولو ليك:
اهاااااااا .... الحصل شنو؟؟؟؟؟
ترد انت: ياااااه والله ما شاء الله ..حلوة شديد..ودمها خفيف...وذووق كمان...
وييجى يوم الدخلة طبعا....
وتقعد انت فى الكوشة على (يمين) العروسة طبعا...وحواليك كل الشباب بيرقصوا ويغنوا..
النبق النبق النبق....رقصات عجيبة طبعا ... وانت اخر انبساطة
وتاخد ليك صنة كدة ... وتتلفت على عروستك والخدود طبعا الوان الطيف
العروسة تقول ليك: ياناااااس القمر ده بس!!! ياناس الحلاوة دى شنو!!!
وترجع بيتك تربى الشفع (وتورق الخدرة) وتطبخ الغدا للمرا
وطبعا فيها كواريك وكدة ... تاخد ليك نهرة نهرتين وتنوم ودمعتك على شنبك
ويزيد الخلاف بيناتكم ... وتشيل الشفع وتمشى بيت اهلك..
وتصلح امك ما بينكم...........
وترجعك تاااااااااانى
اكيد بمشى يتقدم ليها عشان يخطبها ودا الطبيعى زى ماعارفين
كدى خلونا نتخيل الحكاية اتقلبت... بنت اعجبت بى واحد وعايزة تخطبوا.. ممكن؟؟
مافى شى بعيد على الله
شوفوا ال حا يحصل اخر الزمن
.
.
.
.
.
يعنى مثلا تتفاجئ فى يوم كده وانت قاعد تقرا كتاب رومانسى
وبتحلم فى احلام وردية ومشغل ليك شريط هااادى كدة
وسرحاان فى فارسة احلامك طبعا ...........
تلاقى امك داخلة عليك تقول ليك:
يا ولدى عايزة اكلمك فى موضوع..
ترد انت بكل خوف:خير يا خير ياحاجة؟؟؟
امك تقول ليك:
جارتنا البى تلاتة شوارع عاوزة تخطبك لبنتها
وانت ماشاء الله عليك كبرت واحلويت...رايك شنو؟
اكيد حا تنكسف كدة
وتنزل راسك فى الارض وتلعب باصبعك فى شعرك او(شنبك)
وترد وانت مكسووف وخدودك محمرة وتقول:
الراى رايك والشورة شورتك يا حاجة..
تقول الام :
انا بصراحة شايفة البنت كويسة
ما شاء الله عليها من البيت للشغل ومن الشغل للبيت..
وبعدين ما شاء الله عليها... موظفة كبيرة
ترد انت:
بس يا امى هى شافتنى وين..
الام:
لا شافتك وانت راجع من الجامع
وسالت عنك وقالوا ليها انك ولد فى كويس ومؤدب وما بتحب الكوتشينة ولا قعاد الضللة..
الام:
انا خلاص اتفقت معاهم انهم ييجوا الخميس الجاى عشان يشوفوك..
تسال انت:طيب ياحاجة ابوى رايو شنو؟؟
ترد الام :ابوك كدى خليهو ماناقش اى حاجة عن الموضوع دا..
خليه لافى كدة فى المطبخ مع نفسه الله يكون فى عونو..
تقول انت( بكسوف طبعا): خلاص ياحاجة البتشوفيهو اعمليهو
وتطلع الام من غرفتك
وتنط انت قدام المراية وتاخد ليك نص لفة يمين ونص لفة شمال ..وتشوف جسمك وتسرح شعرك (بدلع)
وتقوول:يااااااه اخيرا حست بى وخطبتنى........
يووم الخميس...تمشى انت لكوافير رجالى
( اقصد حلاق ) وتصبغ شعرك كده وتحلق حلاقة عجيبة
وتيجى البيت وتلبس الجلابية البيضاء المكوية .. وتخت الشال المزركش على الكتف
وتتريح بى احلى عطر عندك.... عطر جميل كدة وتطلع الصالون عشان تقابل الخطيبة واهلها.......
يقول لك ابوك: يللا دخل العصير لى خطيبتك..
تقول انت: ياحاج انا خجلان طلعو انت عليك الله..
ابوك يقول ليك وهو يضحك: يا ولد بطل دلع وامشى لى خطيبتك
تقول انت: يا حاج انت دايما تحرجنى كدة ليه..
وتاخد العصير وتدخل عليهم بكل رقة وادب وتقوول:
احم..احم..السلام عليكم.
ترد الخطيبة بعد ما وقفت: وعليكم السلام.
تقول هى: العصير الاحلى ياتو (الاحمر واللا الاصفر)..(كسير تلج وكده)
تقول انت: كلو حلو....
تقول هى: اكيد كلو حلو لانك انت العملتو..
وبعدين تخت الصينية بسرعة وايدك على خشمك وتضحك وجرى على الاوضة.
ويكون اخوانك واولاد خالاتك مستنيينك جوه على احر من الجمر
(والشمار حارقهم طبعا)
ويقولو ليك:
اهاااااااا .... الحصل شنو؟؟؟؟؟
ترد انت: ياااااه والله ما شاء الله ..حلوة شديد..ودمها خفيف...وذووق كمان...
وييجى يوم الدخلة طبعا....
وتقعد انت فى الكوشة على (يمين) العروسة طبعا...وحواليك كل الشباب بيرقصوا ويغنوا..
النبق النبق النبق....رقصات عجيبة طبعا ... وانت اخر انبساطة
وتاخد ليك صنة كدة ... وتتلفت على عروستك والخدود طبعا الوان الطيف
العروسة تقول ليك: ياناااااس القمر ده بس!!! ياناس الحلاوة دى شنو!!!
وترجع بيتك تربى الشفع (وتورق الخدرة) وتطبخ الغدا للمرا
وطبعا فيها كواريك وكدة ... تاخد ليك نهرة نهرتين وتنوم ودمعتك على شنبك
ويزيد الخلاف بيناتكم ... وتشيل الشفع وتمشى بيت اهلك..
وتصلح امك ما بينكم...........
وترجعك تاااااااااانى
ليست هناك تعليقات:
إرسال تعليق